35 CONCURSO ESCOLAR ONCE

Este é o lema do concurso escolar once para este curso académico, no que o alumnado de Educación Financiera de 1º ESO do IES AS BARXAS decidiu participar e reclamar o recreo como un espazo físico e espazo social moi importante no centro.

O alumnado intervirá sobre estes espazos con propostas propias e elaboradas por eles mesmos, cuxo obxectivo será convertilo nun espazo acolledor e seguro para o descanso, o lecer e a convivencia, desde o que promover unha cidadanía responsable e solidaria baseada na alfabetización ambiental e sustentable, que non deixa a ninguén atrás e no que se valora e celebra a diversidade.

Obxectivo: promover e garantir nos centros educativos unha educación inclusiva, equitativa e de calidade abordando, desde un espazo lúdico, aspectos esenciais para o desenvolvemento da persoa, como son a participación, a aprendizaxe social, a sustentabilidade, a colaboración, a autodeterminación, a convivencia, o apoio e a axuda mutua.

Traballo a realizar: Cada clase terá que realizar un videoclip musical de máximo 1 minuto de duración no que se reivindique un recreo máis inclusivo. Poderemos elixir algunha das bases musicais que nos facilitan, seleccionar calquera melodía libre de dereitos, ou mesmo compoñer a nosa propia música!. O traballo irá acompañado dun título, un texto coa letra da canción e unha explicación-guión do que sucede no vídeo para que sexa máis accesible.

¿Por qué un videoclip musical?: A linguaxe audiovisual permítenos construír unha mensaxe a través da interacción imaxe-son. Ademais, a creación dunha canción con letra propia, que reflicta os vosos intereses, fai que lembremos a mensaxe máis facilmente. Alén diso, a música forma parte das actividades cotiás dos alumnos e alumnas. Un videoclip é unha recreación que captará con máis forza a atención de todo o que o vexa e espertará múltiples emocións, o que non deixará a ninguén indiferente

Prazo de entrega do videoclip: Antes do 1 de febrero de 2019

Organización do traballo: Temos que ser conscientes da dificultade de realizar esta actividade na aula, xa que a materia só dispón dunha sesión semanal, polo que é moi importante o traballo na casa. Etapas:

• Reflexión individual sobre o que podemos facer para que o noso recreo sexa máis inclusivo. Podémos modificar o seu espazo físico de algunha forma? Existen espazos delimitados para diferentes actividades? Só para fútbol ou outros deportes? Que outras actividades poderíanse desenvolver? Desfrutamos todos e todas por igual?
• Posta en común de ideas e decisión sobre o que queremos comunicar: os vosos anhelos, preocupacións, obxectivos de inclusión...
• Distribuímos as tarefas. Mentres uns pensan os planos, a composición e o encadre, que outros busquen como transmitir a historia mediante a letra da canción e elixan os elementos sonoros: música da nosa galería, outra libre de dereitos ou se algún sabe compoñer e apetécelle... música orixinal! Tamén deberedes saber onde ides rodar, así que buscade unha ou varias localizacións, elementos de atrezo e vestiario, etc. Crear un storyboard pode servos útil para axustar a música, a letra e a imaxe que aparecen en cada momento.
• Tras algún ensaio, xa podemos gravar o vídeo final. O vídeo, de non máis de 1 minuto de duración, debe estar en formato .avi/ .mp4/ mov e non superar os 100 MB de peso.
• Teremos que ensinarllo a outros compañeiros para comprobar que a mensaxe se entende.
• Lembrade que debemos achegar un documento coa letra da canción, unha explicación-guión para facilitar a accesibilidade do videoclip e a súa interpretación. Por último, poñédelle un título de non máis de 140 caracteres.