domingo, 21 de enero de 2018

PROGRAMA ATRÉVETE 2017/18

Na materia de Educación Financeira de 1º ESO, pensamos que é importante traballar o espírito emprendedor, como unha actitude xeral na vida cotiá de calquera persoa, o que incluirá desenvolver calidades persoais como confianza, espírito crítico, iniciativa persoal, toma de decisións e asunción de responsabilidades que potencien as habilidades do alumnado para se enfrontar á vida.
Con fin de traballar nesta línea, o IES AS BARXAS participa no Programa Atrévete, da Consellería de Cultura, Educación e Ordenación Universitaria, dirixido a fomentar, motivar, e sensibilizar ao alumnado de educación secundaria obrigatoria no espírito emprendedor.

O programa inclúe:
- SAÍDA EDUCATIVA PARA 1º CURSO DA ESO, coa que se pretende dar a coñecer ao alumnado o tecido empresarial da contorna. Debido ao gran número de alumnos neste nivel, marcamos dúas datas: 12 xaneiro para 1º ESO A, B e 19 de xaneiro para 1º ESO C, 
O programa que levamos a cabo no noso centro foi:
1) Obradoiro de emprendemento no Círculo de Empresarios de Galicia. Alí recibiunos Víctor Manel Montes invitounos a soñar e a formarnos o máximo posible para poder desenvolver as nosas propias ideas. O alumnado estivo moi participativo e resultou moi interesante. A saída agasalláronnos cunha mochila e un pendrive para ir acumulando as nosas experiencias.






2) Visita ao Porto de Vigo, infraestructura que escollemos pola súa gran importancia na economía da zona. Alí, acompañados por David e Jesús, funcionarios da Autoridade Portuaria percorremos cada unha das zonas nas que se divide o porto comercial. 





 Empezamos pola zona de Bouzas, onde cargan e descargan vehículos (principalmente coches) e calquera mercadoría que vaia rodando, polo que ten o nome de RO-RO. Quedamos sorprendidos da gran cantidade de vehículos que estaban agardando para embarcar, así como dos destinos e procedencias que tiñan, que poidemos apreciar dende o alto dun silo. Tamén vimos como os subían aos barcos e explicáronnos as distintas rutas martítimas regulares que hai dende Vigo (mais de 90), e a relevancia da autopista do mar(Vigo-Nantes/St Nazaire). 

A continuación fumos a área de peiraos comerciais, comenzando polo Peirao do Arenal que dividíase en dúas alineacións; unha destinada a mercancía xeral e a outra a graneis (cemento, etc.) e con outras instalacións especiais como 1 almacén para sal, 1 depósito de suministro de combustible a buques e un Posto de Inspección Fronteriza (PIF). Logo pasamos ao Peirao Transversal onde se manipulaban bloques de granito, aluminio e madeira.

A continuación fumos ao Peirao de Guixar, especializado como terminal de contenedores, con máis de 80 liñas regulares. A xestión desta terminal está moi automatizada e ten 5 grandes grúas que poidemos ver de cerca. Tamén destaca nesta zona o Scaner de control e vixiancia de contenedores por Raios X. Por último estivemos no Peirao Comercial, adicado a carga e descarga de mercancía xeral convencional, que ten unha ampliación mediante a instalación de elementos de amarre (duque de alba) para atraque puntual de cruceiros cando hai saturación nas outras terminais.
- CONCURSO "ATRÉVETE A TER UNHA IDEA", onde o alumnado deberá desenvolver unha idea emprendedora para mellorar a súa contorna. Prazo límite de presentación de traballos: 30 de maio. Premio: unha tablet para alumno gañador.

martes, 9 de enero de 2018

CONSUMÓPOLIS 13: Na publicidade, todo vale?

Un ano máis, o alumnado de Educación Financeira do IES AS BARXAS, estamos participando no concurso escolar CONSUMÓPOLIS, organizado polo Instituto Nacional de Consumo e a maioría das CCAA (entre elas Galicia), no que escolares de educación secundaria forman equipos de cinco xóvenes que titorizados por un docente participan nun concurso virtual, con dúas fases diferenciadas:
  • Na primeira fase (realizada no primeiro trimestre) plantexábase un xogo en liña no que os equipos debían realizar un recorrido pola Cidade de Consumópolis e superar distintas probas de carácter pedagóxico e lúdico sobre o consumo responsable e calidade de vida. A totalidade dos 25 equipos equipos que temos inscritos este curso, superaron esta fase.


  • Na segunda fase (que realizaremos neste segundo trimestre) os equipos deberán presentar un traballo colaborativo, que para este ano consiste en deseñar, elaborar e presentar un traballo conxunto sobre consumo responsable en relación coa publicidade, que será nun cartel ou valla publicitaria sobre un produto ou servizo.O cartel ou valla publicitaria estará composto por unha imaxe (debuxo,fotografía, colaxe, etc.) e un lema ou slogan e estará dirixido a nenos e novos incluídos no mesmo rango de idade que os concursantes.Na elaboración do cartel ou valo publicitaria deberán respectarse os principios da educación en valores, de forma que o alumnado reflexione sobre o que está permitido e non permitido na publicidade e tome conciencia daquelas técnicas publicitarias constitutivas de publicidade ilícita.  CARTEIS 1º ESO: Podedes publicitar algún dos seguintes produtos:
    1. Un alimento saudable
    2. Un produto de comercio xusto
    3. Un videoxogo
    4. Un Smartphone e/ou tableta electrónica
             CARTEIS 4º ESO: Podedes publicitar algún dos seguintes produtos:
    1. Unha viaxe
    2. Un concerto e/ou evento musical
    3. Unha tarifa de telefonía móbil
    4. Un Smartphone e/ou tableta electrónica
        Cada alumno deberá presentar un boceto do cartel como mínimo, utilizando a técnica que         prefira. O tamaño será A3 horizontal e lembrarvos de respetar os dereitos de autor e a           corrección lingüística.