viernes, 31 de marzo de 2017

VIDEOCONFERENCIA CO IES PEDREGAL DE IRIMIA (MEIRA-LUGO)


Onte, a terceira hora da mañá, levamos a cabo unha videoconferencia entre o IES AS BARXAS (Moaña-Pontevedra)) - IES PEDREGAL DE IRIMIA (Meira-Lugo), organizado polos departamentos de economía de ambos centros, e coa presencia de un membro de Adicae (Ana). 


Por parte do IES PEDREGAL DE IRIMIA, participaron o alumnado de Educación Financeira de 2º ESO, Economía de 4º ESO e IAEE de 4º ESO, co seu profe Eloi Sobradelo. No IES AS BARXAS, debido a imposibilidade de mobilizar a todo o alumnado por ser un número moi elevado, tivemos a un grupo de alumnos que fixeron de portavoces de cada nivel: Lucía Parcero e María Parente de Economía 1º bach., Antía Fervenza, Sara del Río, Jenny Alvarez, Aixa Chapela e Andrea Currás de Economía 4º ESO, e Iker Casás, Ana Pena, Ruth Casal e Sergio Otero de Educación Financeira 1º ESO.






Unha fantástica experiencia colaborativa na que compartimos os nosos proxectos de consumo crítico e responsable, sostenibilidade, solidariedade, emprendemento, ética social.... Como profe é un gran orgullo ter este alumnado😍😍😍#debaterparaaprender #economiasolidaria

viernes, 24 de marzo de 2017

MARCAPÁXINAS POLA SOLIDARIEDADE

MARCAPÁXINAS POLA SOLIDARIEDADE é unha proposta educativa que lles achega aos escolares a situación de vulnerabilidade dos cativos e cativas en países empobrecidos do continente africano co obxectivo de acadar fondos para os proxectos de supervivencia infantil que Save the Children realiza e coñecer os dereitos da infancia a través de diversas propostas didácticas.




Nesta edición pretende amosar a importancia de ter acceso a auga limpa para a supervivencia infantil, a vulnerabilidade que provoca a falta deste recurso e que podemos aportar para atallar as consecuencias desta situación.

Ter acceso á auga é un Dereito Humano fundamental que millóns de persoas non teñen garantido, unha crúa realidade sobre a que traballaremos, no IES AS BARXAS, co alumnado de 1º ESO, dentro da materia de Educación Financeira, facendo fincapé en valores como a solidariedade, a cooperación, o respecto e a responsabilidade

Proposta didáctica: Fomento da lectura + educación en valores
Propoñemos dar a coñecer o poema "Camiñante non hai camiño", de Antonio Machado para reflexionar sobre as pegadas que deixan as cousas, os sentimentos e as accións humanas e finalizar coa creación de poesías e marcapáxinas que reflictan emocións humanas polo dereito ao acceso a auga por parte de todas as persoas. 


Os marcapáxinas realizados, repartirémolos a cambio dun donativo de 0,5€ ou 1€ que o centro fará chegar a Save the Children a través de ingreso na conta da entidade: Banco de Santander 0049-1837-58-2910248925. O total recaudado publicarase na web do centro e na memoria de Save the Children, xunto coa información sobre como o diñeiro axudou ás nenas e nenos que a ONG atende nos programas de desnutrición infantil.

A actividade englóbase dentro da conmemoración do DÍA DO LIBRO 2017 "Dereito á auga: unha pegada imprescindíbel".

Xa comenzamos a preparar os nosos marcapáxinas xunto cuns murais nos que deixaremos as nosas pegadas







CONSUMO RESPONSABLE: FROITA

Estes son algúns dos traballos realizados polos alumnos de Educación Financeira de 1º ESO A, para animar aos seus compañeiros a comer froita. Englóbase dentro da unidade de CONSUMO RESPONSABLE: SOBERANÍA ALIMENTARIA, traballada na materia, coincidiento coa Semana da Froita do IES AS BARXAS.

A soberanía alimentaria é o dereito dos pobos a alimentos nutritivos e culturalmente adecuados, accesibles, producidos de forma sustentable e ecolóxica, e o seu dereito para decidir o seu propio sistema alimentario e produtivo.

Comer de maneira sa e consciente implica preguntarse de onde vén o que consumimos, como se elaborou, en que condicións, porque pagamos un determinado prezo. Significa tomar o control sobre os nosos hábitos alimentarios e non delegar. Ou noutras palabras, significa ser soberanos, poder decidir, en canto á nosa alimentación. Esta é a esencia da soberanía alimentaria.

Manuel Alves

Cristopher P. Corbacho

Samuel Seijas

Milagros Hurtado

Antía Táboas